الطيب لا اهل الطيب يبقاء ولا زال

الطيب لا اهل الطيب يبقاء ولا زال

يابنت ياللي ماستر راسـك الشـال
وبزعمك انك مـن كبـار العوايـل

أنـا بقـول الحـق والحـق ينقـال
اللي تستـر هـي بنـت الحمايـل

ماهو في كشخه وخاتـم وسلسـال
الستـر لعيـال الحمايــــل دلايــــــل

يابنت لو قلتي لـي المهـر بريـال
والله فـلا اعــنـز عليـك السلايــل

والله لااخطب اللي على راسها جلال
لـو كـان مطلبــــهـا ثمانــيـن حايـــل

انا ليــا مني خطبـت أبـــغـي عيــــال
أبي العيـال اللـي تـــشيـل الثقايــــــل

وليا خطـــبت أختار لعيالـي الخــــال
والديــن عندي هـو سيـد الفضايـــل

قالـت قســــم بالله ماشفـت رجــــال
مثلك بـــغى حجر السنيـــن الاوايـل

قلت الصحيح يصح لو مرت أجيال
ركب الكدايش غير ركــب الاصايـل

ماهو بذنبـي ماعــرفتيـــلـك رجـال
ذنب الزمـــن خـلا النشامـا قلايــــل

ولاني بلا رجــعي ولا جيـت خيـــال
ولا شايلن ســيفي وصايـل وجايـــل

إنسان متعلـم ومـن نـــاس عقــــال
وفتحت عن نهـــج الحضارات فايـل

أنا حـــضري ماني بنــــازل ورحـال
لو أن ربــعي بيـن ضلعـان حايــــــل

وأنـــام في بيـت ومكيـــــف جنـرال
وأســـوق سيـاره وعنـدي موبــايـل

ترا البــــداوه فعــل ماهـي بالاشكـال
والســلم مانرضـى عليـــه البدايـــــل

وتبعت سلم العــود وأصبحت وبـال
ونقيت لي من الـذود دق وجـــلايـل

الطيب لاأهل الطيب يبقـاء ولا زال
وأعرف سلوم الطيب والشك زايـل

ولا شفت انا عقال السناعيس ميـال
غصب عليــه عقال راسـي يتــمايـل

السالفـه ماهـي بتمـــييلـت عقـــــال
السالفـه دمٍ بهـا العــــرق سـايـــــل

يابنـت دام الـدم بعروقنـــا ســـــال
كلٍ على عقـــله مـن الفكـر شايـــل

لكن لــــو قلـت لـي المهـر بريــــال
والله فـلا أعــنـز عليـك السلايـــــل